السَّلامـُ عليكمـ و رحمة الله تعالى و بركاتهـُ|~ 
حيَّاكمـ الله أصدقائي
كيفكمـ ؟ أن شاء الله تمام ..
جبتلكمـ مجموعة حِكم و أمثال سورية
بتمنى تعجبكمـ|~ 
|~°*°~|طول عمرك يا تينة مجعلكة
لا تعمل متل يلي أخذ القرد على مالو .. و راح المال و ظل القرد على حالو
خذ الاصيلة و نام على الحصيرة
الحية آلت للدودة تضربي على هالآمة المدودة
يلي بجرب المجرب بكون عقلو مخرب
يلي بياخد الأرد على مالو بروح المال و يبئى الأرد على حالو
طب الجرة على تما بتطلع البنت لأمها
مو كل مرة تسلم الجرة
دق القرفة و لا صباح السلفة
كومة حجار و لا هل الجار
شو ما طبخت العمشا جوزها بيتعشا
من قلة تدابيره خلطة الحنطة مع الشعيره
طلطميس ما بيعرف الجمعة من الخميس
يلي بيلاعب القط بدو يتحمل خراميشو
قرعة و مشطها نص دراااع
باب النجار مخلع
الخنفسة شافت بنتها على الحيط قالتلها تئبريني متل اللولو بالخيط
الحية ما بتنحط بالعِب
بتعمل من الحبة قبة ، و من الإبرة جمـل
المهرة من خيالها ، و المرا من رجَّالها
رزق الخسيس بروح فطيس
شعرة فوق شعرة بتصير ذقن
قالوا : عيونو زرق ، و سنانو فرق ، و ذقنو كوساية و بصيب بالعين
حط كلب يحرس دارك ، و حط قط ياكل فارك ، ولا تحط ابن آدم يكشف أسرارك
أكلة و مرعى و قلة صنعة
لا تفتش عن حمرة خدودها ، فتش عن أصل جدودها
إذا أبوه البصل ، وأمه الثوم ، من وين بدها تجي الروايح الطيبة !!
هو : الله يلعن يلي بسب الناس
هي : الله يلعن يلي بخلي الناس تسبو
فوق المعروف بياكل كفوف
عم يعزي و ما بيعرف مين يلي مات !!
هو:يلي بيتغطى بلحافكم بيبرد
هي: كل ما شفت رغيفك بجوع
برا شحرور و بالبيت دبور
النملة بس بدها تخرب ، بتركب جناحات
يلي ما بحبك أقعد جنبو و كول من أكلو و احرق قلبو
العدو ما بصير حبيب ولو صار الحمار طبيب
البنت المليحة و لا الصبي الفضيحة
الله بطعمي الحلاوة للي ما عندو سنان
المقلاية عيرت الطنجرة ، قالتلها : تنيناتنا بالمطبخ
عند جرن الحمام بتبان الأرعة من ام الشعر
كل قمحة مسوسة إلها ألف كيال أعمى !!
قلو يا حلاوتو و يا عينو ، قلو كل شي بالمغسلة يبان
إذا كثرت الأيادي احترقت الطبخة
بيلبق للشوحة خوخة و للحمار قبقاب
كثرة التأهيل بتجيب الضيف الثقيل
قال البرغوت للبقة يضرب الشرشوح إذا ترقى
بفوت مع أم العريس بيطلع مع أم العروس
ما في نسمة من الغرب بتسر القلب
معاشرة الأنذال لا مكسب و لا راس مال
خليها بالقلب تجرح ولا تطلع لبرا وتفضح
تاجرنا بالأكفان بطلت الناس تموت
هين فلوسك ولا تهين نفوسك
اللي إيده بالمي مو متل اللي ايدو بالنار
على قد لحافك مد رجليك
من قلة الخيل ركبنا على الكلاب سروج
الديك الفصيح من البيضة يصيح
°*°
°*°
°*° 
أستودعكمـ الله
)°
امممم بقولوا انو كثرة التأهيل بتجيب الضيف الثقيل
